Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
<<Dem. 21.5 | Dem. 21.9 (English) | >>Dem. 21.11 |
21.8εἴ τις οὖν ὑμῶν ἄρα καὶ τὸν ἔμπροσθεν χρόνον τῶν ἰδίων τινὸς εἵνεκα γίγνεσθαι τὸν ἀγῶνα τόνδʼ ὑπελάμβανεν , ἐνθυμηθεὶς νῦν ὅτι δημοσίᾳ συμφέρει μηδενὶ μηδὲν ἐξεῖναι τοιοῦτο ποιεῖν , ὡς ὑπὲρ κοινοῦ τοῦ πράγματος ὄντος καὶ προσέχων ἀκουσάτω , καὶ τὰ φαινόμενʼ αὑτῷ δικαιότερʼ εἶναι , ταῦτα ψηφισάσθω . ἀναγνώσεται δὲ πρῶτον μὲν ὑμῖν τὸν νόμον καθʼ ὃν εἰσὶν αἱ προβολαί · μετὰ δὲ ταῦτα καὶ περὶ τῶν ἄλλων πειράσομαι διδάσκειν . Λέγε τὸν νόμον .ὁ μὲν νόμος οὗτός ἐστιν , ὦ ἄνδρες Ἀθηναῖοι , καθʼ ὃν αἱ προβολαὶ γίγνονται , λέγων , ὥσπερ ἠκούσατε , ποιεῖν τὴν ἐκκλησίαν ἐν Διονύσου μετὰ τὰ Πάνδια , ἐν δὲ ταύτῃ ἐπειδὰν χρηματίσωσιν οἱ πρόεδροι περὶ ὧν διῴκηκεν ὁ ἄρχων , χρηματίζειν καὶ περὶ ὧν ἄν τις ἠδικηκὼς ᾖ περὶ τὴν ἑορτὴν ἢ παρανενομηκώς , καλῶς , ὦ ἄνδρες Ἀθηναῖοι , καὶ συμφερόντως ἔχων ὁ νόμος , ὡς τὸ πρᾶγμʼ αὐτὸ μαρτυρεῖ . ὅπου γὰρ ἐπόντος τοῦ φόβου τούτου φαίνονταί τινες οὐδὲν ἧττον ὑβρισταί , τί χρὴ τοὺς τοιούτους προσδοκᾶν ἂν ποιεῖν , εἰ μηδεὶς ἐπῆν ἀγὼν μηδὲ κίνδυνος ;
Νόμος
Τοὺς πρυτάνεις ποιεῖν ἐκκλησίαν ἐν Διονύσου τῇ ὑστεραίᾳ τῶν Πανδίων .ἐν δὲ ταύτῃ χρηματίζειν πρῶτον μὲν περὶ ἱερῶν ,ἔπειτα τὰς προβολὰς παραδιδότωσαν τὰς γεγενημένας ἕνεκα τῆς πομπῆς ἢ τῶν ἀγώνων τῶν ἐν τοῖς Διονυσίοις ,ὅσαι ἂν μὴ ἐκτετισμέναι ὦσιν .
21.9
Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
<<Dem. 21.5 | Dem. 21.9 (English) | >>Dem. 21.11 |